أشعلت صفقة اللاعب حامد حمدان جدلاً واسعًا في الأوساط الكروية، بعدما كشف الإعلامي كريم حسن شحاتة عن وجود تدخل مباشر من الكابتن محمود الخطيب، رئيس النادي الأهلي، لإيقاف الصفقة رغم تقدم المفاوضات مع اللاعب.
وقال كريم حسن شحاتة في تصريحاته: «علمت بوجود اتصال هاتفي بين الكابتن محمود الخطيب ورئيس نادي بتروجيت الذي تخدث مع اخيه رئيس نادي إنبي لإيقاف صفقة حامد حمدان، ومش عارف إيه السبب".
وأضاف: "الأهلي في الفترة الأخيرة يحاول وقف صفقات الزمالك، إدارة الأهلي أجرت اتصالاً بإدارة بتروجيت علشان ميبيعوش لاعيبة للزمالك ومش عارف ليه بصراحة».
في المقابل، رد عدلي القيعي، مستشار التعاقدات بالأهلي، مؤكدًا أن تدخل الأهلي يأتي للحفاظ على رغبة اللاعب وقال: «الأهلي لو دخل علشان عاوز اللاعب يبقى عايزه، ولما الأهلي راح لمصطفى شلبي كانت رغبة الأهلي ورغم كده الزمالك دخل اتفق مع إنبي وغيروا المسار وخدوه".
وأكمل: "الحاجة الثانية حامد حمدان كان لاعب في ناشئ الأهلي، والأحمر لو عايزه هيدخل يتفاوض عليه زي الزمالك بالظبط، إيه اللي يجبر بتروجت إنه يسمع كلام الخطيب؟".