في موقف يثبت إن الدنيا لسه بخير صاحبة الصورة هيا الكابتن فاتن بنت الإسكندرية تابعة لشركة اوبر عملت حاجة تستحق عليها كل الشكر والتقدير والامتنان
لقيت البنت المتغيبة #بنت قرية الحساني بعد ماوصلت #اسكندرية وكانت في حالة صعبة جدا بتبكي ومش عارفة تتصرف ولا تروح فين
ولا حتي ترجع
لكن الكابتن فاتن مترددتش لحظة وقفت جنبها وهدتها وخدتها معاها واهتمت بيها لحد ما بدأت تهدى
وبذكاء منها فضلت تحاول معاها لحد ما عرفت إن البنت من اسيوط وسالتها علي رقم حد من اهلها لحسن الحظ البنت كانت حافظة رقم أختها الكبيرة وعلى طول تواصلت معاها وطمنت أهلها إن بنتهم بخير وفي أمان
ومكملتش جميلها بس لحد كده قالتلها أنا أوصلك لأي مكان انتي عايزاه
وبالفعل فضلت معاها لحد ما وصلت لأقاربها عند والد عمتها في القاهرة والحمد لله أهلها في الطريق لاستلامها وهي دلوقتي بخير
كل التحية والتقدير للكابتن فاتن وربنا يجازيها كل خير على إنسانيتها وموقفها المشرف