طريقة التريليتشا التركية "حلويات رمضان"

المكونات:

للكيك:
• 4 بيضات (بدرجة حرارة الغرفة)
• كوب سكر
• كوب دقيق
• معلقة صغيرة فانيليا
• معلقة كبيرة بيكنج بودر
• ربع كوب مياه

لصوص الحليب:
• 3 أكواب حليب سائل (بدرجة حرارة الغرفة)
• كوب كريمة خفق
• معلقة صغيرة فانيليا

للكريمة البيضاء:
• كوب كريمة خفق
• 2 معلقة كبيرة سكر بودرة

للكراميل:
• كوب ونص سكر
• 2 معلقة كبيرة زبدة
• كوب كريمة سائلة

طريقة التحضير:

تحضير الكراميل:
• في حلة على نار متوسطة، حطي السكر وقلّبيه لحد ما يسيح ويبقى لونه دهبي.
• ضيفي الزبدة وقلّبي كويس، وبعدها ضيفي كريمة الخفق مع التقليب المستمر لحد ما الخليط يتجانس.
• شيلي الحلة من على النار وسيبي الكراميل يبرد على جنب.

تحضير الكيك:
• سخّني الفرن على 180 درجة.
• في بولة، اخفقي البيض مع الفانيليا ورشة ملح لحد ما يتضاعف حجمه.
• ضيفي السكر تدريجيًا مع الخفق المستمر لحد ما يدوب تمامًا.
• انخلي الدقيق مع البيكنج بودر وضيفيه للخليط بالتدريج مع التقليب برفق.
• ضيفي المياه وقلّبي لحد ما الخليط يتجانس.
• صبي الخليط في صينية مدهونة زبدة ومبطنة بورق زبدة.
• دخّلي الصينية الفرن لمدة 30 دقيقة أو لحد ما تستوي ويبقى لونها دهبي.
• سيبي الكيكة تبرد شوية، وبعدها اعملي فيها فتحات بعود خشبي.

تحضير صوص الحليب:
• امزجي الحليب مع كريمة الخفق والفانيليا كويس.
• صبي الخليط على الكيكة بالتدريج لحد ما تشربه كله.

تحضير الكريمة البيضاء:
• اخفقي كريمة الخفق مع سكر البودرة لحد ما تتماسك.
• افردي الكريمة على وش الكيكة بشكل متساوي.

إضافة الكراميل:
• صبي صوص الكراميل البارد فوق طبقة الكريمة.
• للتزيين، ممكن تستخدمي عود خشبي لرسم خطوط أو أشكال على سطح الكراميل.

التقديم:
• دخّلي الكيكة التلاجة لمدة ساعتين على الأقل قبل التقديم عشان النكهات تتجانس.
• قطّعيها وقدّميها باردة.