طاجن لسان عصفور باللحمة "اكلات رمضان "

المكونات:
• ½ كيلو لسان عصفور
• ½ كيلو لحمة مكعبات
• 1 بصلة كبيرة
• 1 فلفل أخضر
• 1 جزرة متوسطة
• 1 معلقة كبيرة ثوم مفروم
• 2 معلقة كبيرة زيت
• 1 مكعب مرقة
• 2 كوب عصير طماطم
• 1 معلقة كبيرة صلصة طماطم
• ملح وفلفل أسود
• ½ معلقة صغيرة بصل بودر
• ½ معلقة صغيرة ثوم بودر
• ½ معلقة صغيرة كركم
• ½ معلقة صغيرة كاري
• 2 معلقة كبيرة زبدة
• ماء ساخن حسب الحاجة

طريقة التحضير:
1. في طاسة على النار، سخني الزيت وضيفي البصل والفلفل والجزر بعد ضربهم في الكبة مع الثوم المفروم، وقلبي حتى يدبلوا.
2. ضيفي اللحمة ورشي عليها الفلفل الأسود، البصل البودر، الثوم البودر، الكركم، والكاري، وقلبيها حتى تتشوح كويس.
3. زودي ماء ساخن وغطيها وسيبيها تستوي على نار متوسطة.
4. في صينية، حمّري اللسان عصفور في قليل من الزيت لحد ما ياخد لون دهبي، وضيفي مكعب المرقة وقلّبي.
5. في بولة، ذوّبي الصلصة في عصير الطماطم مع قليل من الماء والملح والفلفل الأسود، وضيفيها على اللسان عصفور، وقلّبي لحد ما يتشرب شويه.
6. في طاجن فرن، حطي اللسان عصفور، وضيفي اللحمة بالصوص بتاعها، وزودي ماء ساخن حسب الحاجة.
7. دخلي الطاجن فرن سخن على درجة حرارة متوسطة (180) لمدة 20 دقيقة، وفي النص لو احتاج ماء سخن زوديه عشان ميبقاش ناشف.
8. قبل ما تطلعيه، ضيفي قطع الزبدة على الوجه، وفتحي الشواية لحد ما ياخد لون حلو.